جاري تحميل ... منتدي مهندسي مكافحة الحشرات

إعلان الرئيسية

اخر المواضيع

إعلان في أعلي التدوينة

الجودة

ايه الحاجات الا ممكن يسأل عنها المراجع لو عندك audit

ايه الحاجات الا ممكن يسأل عنها المراجع لو عندك audit

1 قائمه المبيدات المستخدمة ودي بتشمل كل البيانات الخاصه بالمبيد زي تاريخ الانتاج والتسجل ورقم التسجيل و الاسم التجاري الماده الفعاله والتخفيف عند الإستخدام والعقار المضاد.
2 تسجيلات المبيدات وبتكون شهاده معتمده من وزاره الصحه بتاريخ ساري.
3 material safety data sheet ودي بتكون فيها تفاصيل وشرح كافي عن المبيد وسهل الحصول عليها. من علي الانترنت
4 layout دي بيكون رسم كروكي للموقع متوزع عليه كل ادوات ووسائل المكافحه زي محطات الطعوم والمصائد الميانيكيه والمصائد الضوئيه والفورمونيه
وتكون معرفه ومترقمه.
5 خطه العمل لكل موقع له برنامج عمل يشمل كل الافات المستهدفه الا بتشتغل عليها وبيكون البرنامج محدد بالتوقيتات المناسب لكل افه وكل عمليه ويكون البرنامج متغيير غير ثابت يعني مثلا ممكن تعمل برنامج ربع سنوي.
6 سجلات ونماذج المتابعه لكل افه(زاحفه؛طايره؛ قوارض) بيكون لها سجل بيتم فيه تسجيل كل المعاملات والإجراءات التصحيحيه الا بيتم داخل الموقع.
7. Data analysis دا بيكون نموذج بيتم تسجل نتائج عمليه المكافحه في شكل رسم بياني بيشرح كثافه الاصابه وتعددها في كل مكان بالموقع والنموذج ده بيكون مرتبط بالسجلات الخاصه بالمحطات والمصائد.
8 شهاده التدريب والدورات الا اخدها فريق العمل الا بيقوم بتنفيذ اعمال مكافحه الافات.
9 سجل المخزن الخاص بالمبيدات اذا كان المخزن داخل الموقع وبيكون متسجل فيه حركه الوارد والمنصرف والمرتجع.
10 التعليمات الخاصه بمكافحه الافات ودا بيكون خاص Quality Assurance بيكون مدون فيها كل الاجراءات الخاصه بشغل المكافحة.
11 سجل النفايات الخاصه بالمخلفات الكيماويات والمبيدات المفروض ان كل منشأه بيتكون متعاقده مع مدفن للنفايات الخطره وبيتم التخلص من العبوات والاكياس الخاصه بالمبيدات والسموم عن طريقها.
12 التعاقد بيكون التعاقد بين مقدم الخدمه و الموقع ومكتوب فيه نوع الافه و عدد مرات الزيارات.
13 تصريح مزاوله المهنه تصريح ساري وواضح.
14 كارت المتابعه Check List ده نموذج بيكون مثبت بجانب كل وحده سواء محطه طعوم او مصيده وبيشمل علي كل العناصر والإجراءات الا ممكن تتعمل علي المصيده وهيتم شرحها فيما بعد ان شاء الله.
15 السجل التجاري والبطاقة الضريبيه وشهاده القيمه المضافه.
16 سجل مشاهده الافه ودي بيكون خاص اذا كان فيه شكوي من داخل الموقع اذا شوهد افه مثلا داخل صاله الانتاج بتسجل فيها وقت المشاهده و نوعها و عددها و ازاي دخلت وايه الإجراء المتخذ.
تقريبا دي كل الا ممكن يسأل عنه Auditor اتمني ان اكون وفقت للشرح الكافي و مانسيت شئ..
[full_width]
المهندس 
Hesham Salama
الوسوم:

ليست هناك تعليقات:

إرسال تعليق

إعلان أسفل المقال